მოხმარების წესები

ლიცენზია

გეძლევა პირადი, არაექსკლუზიური, გადაუცემელი უფლება, გამოიყენო „გამახსენე" შენს კუთვნილ მოწყობილობაზე.

აპი გეძლევა სარგებლობაში და არ გეყიდება — საავტორო უფლება ჩვენთან რჩება.

რა არ შეიძლება

• აპის დაშლა, უკუინჟინერია ან წყაროს აღდგენა

• გაქირავება, გასხვისება, ქველიცენზირება

• უსაფრთხოების მექანიზმების გვერდის ავლა

• ავტომატური საშუალებებით მასობრივი მოთხოვნების გაგზავნა

• სხვისი მონაცემის შეყვანა მისი თანხმობის გარეშე

ჯანმრთელობა — წაიკითხე აუცილებლად

„გამახსენე" სამედიცინო მოწყობილობა არ არის.

ციკლის თვალყური და პროგნოზი ინფორმაციული და დამხმარეა. ის:

• არ არის კონტრაცეფციის საშუალება

• არ არის ორსულობის დაგეგმვის ან დიაგნოსტიკის ინსტრუმენტი

• არ ცვლის ექიმს

პროგნოზი წარსულ ჩანაწერებზე დაფუძნებული შეფასებაა და შეიძლება ცდებოდეს. ჯანმრთელობასთან დაკავშირებული ნებისმიერი გადაწყვეტილება ექიმთან მიიღე.

შეხსენებები — რას არ გპირდებით

აპი შეხსენებებს ოპერაციული სისტემის საშუალებით გგზავნის. შეტყობინება შეიძლება დაგვიანდეს ან საერთოდ არ მოვიდეს — მაგალითად, თუ ტელეფონი გამორთულია, ბატარეის დამზოგი რეჟიმია ჩართული, ან შეტყობინებები აკრძალულია.

კრიტიკული საკითხისთვის (მედიკამენტი, სამედიცინო პროცედურა) მხოლოდ ამ აპს ნუ დაეყრდნობი.

AI-ს პასუხები

აპი ენობრივ მოდელს იყენებს იმისთვის, რომ ქართული ფრაზა გაიგოს. მოდელი შეიძლება ცდებოდეს — არასწორად გაიგოს დრო, თარიღი ან შინაარსი.

შენახული შეხსენება ყოველთვის ხილული და რედაქტირებადია — შეამოწმე.

გამოწერა

ფასიანი ფუნქციები App Store-ის გამოწერით ირთვება.

• გადახდას Apple ამუშავებს

• გამოწერა ავტომატურად განახლდება, თუ პერიოდის დასრულებამდე მინიმუმ

24 საათით ადრე არ გააუქმებ

• გაუქმება: iPhone-ის პარამეტრები → შენი სახელი → Subscriptions

• თანხის დაბრუნება Apple-ის წესებით ხდება და არა ჩვენით

მომსახურების შეწყვეტა

შეგვიძლია აპის ან მისი ნაწილის მიწოდება შევწყვიტოთ. ასეთ შემთხვევაში მონაცემის გადმოწერის გონივრულ ვადას მოგცემთ.

შენ შეგიძლია ნებისმიერ დროს წაშალო ანგარიში და აპი.

გარანტიის უარყოფა

აპი მოწოდებულია „როგორც არის". არ ვიძლევით გარანტიას, რომ ის უწყვეტად იმუშავებს, შეცდომების გარეშე იქნება ან შენს კონკრეტულ მიზანს მოერგება.

პასუხისმგებლობის შეზღუდვა

კანონით დაშვებულ ფარგლებში, ჩვენი პასუხისმგებლობა შემოიფარგლება იმ თანხით, რომელიც ბოლო 12 თვეში აპში გადაიხადე.

არ ვაგებთ პასუხს გამორჩენილ სარგებელზე, გამოტოვებულ შეხსენებაზე ან არაპირდაპირ ზიანზე.

ეს შეზღუდვა არ ვრცელდება განზრახ ქმედებაზე, უხეშ გაუფრთხილებლობაზე ან სიცოცხლისა და ჯანმრთელობისთვის მიყენებულ ზიანზე — ასეთი შეზღუდვა კანონით დაუშვებელია.

მოქმედი სამართალი

ხელშეკრულებას საქართველოს კანონმდებლობა არეგულირებს. დავა საქართველოს სასამართლოს განსჯადია.

თუ ევროკავშირის მომხმარებელი ხარ, გრჩება უფლება, მიმართო შენი საცხოვრებელი ქვეყნის სასამართლოს.

ცვლილებები და კონტაქტი

პირობების შეცვლისას აპი გაცნობებს და თანხმობას თავიდან გკითხავს.

კითხვები: gamaxsene.app@gmail.com